عيد الحب .. كلمات د. أديب بازهيـر

أحبهـا وميـت فيـهـا الله يخليها           ومايكفـي لو أكتب فيهـا  قصيده

اشلـون أبوصف لكـم  اني أهواها           وكيف أحتفل بالعيـد وأنـا واياها

 

أصلا عيـد الحب هو يحتفـل  فيها           هي عيدي وحفلتي وسنتـي الجديده

قالت في هاليـوم كلمـه ما أنساها           كلمه من أربـع حـروف  يامحلاها

 

 أموت وأحيـا وأموت وأحيا فيـها            لما تقولها معرف أقول جملـه  مفيده

ويضيع تفكيري في  هالكلمه وصداها           وأنسى الدنيا و أتذكر حبها و غلاها

 

حبيبتي و روحي و عمري أبي أناديها            وأبي عيد الحب يعترف انها هي عيده

أفتخـر في حبهـا ولا أحب سواها            ومستحيل أعيش  في هالدنيـا بلياها

 

اليوم عيـد الحب وأنـا لازم أجيها            والله لأجيهـا  حتى لو المسافه بعيده

اليوم عيـد الحب وأنا بجلس  معاها             أتنفس  أنفاسهـا وأذوب في  دفاها

 

أبي العالـم كلـه   يعرف  اني أبيها            أحبهـا وتحبنـي وحبنا  الله يزيده

فديت  لـون عيونها و أحمـر شفاها           سبحانـه  أبدع يوم خلقها وسواها

 

يا ناس أحبها بجنـون وأموت  عليها           واثق من احساسي ومشاعري أكيده

مغروره ومن حقها  تنغـر في حلاها           وأفتخر بغرورها مادمت أنا أهـواها