حلمت اني معاه .. كلمات د. أديب بازهيـر

أنا حلمـت  اني قاعـد معـاه         و كنت قاعـد أسولف  وايـاه

والله  احـلـوّ يــا  محـلاه         و كان  كلامـه كلّـه حنـان

 

وقلت له  حـاس اني بخيــال          والله  زاد فيــك الجمــال

وزاد فيــك حتى الــدلال          انت وينك عني مـن زمــان

 

ضِحك و قـال أديب اسمعنـي          بعدك يا غـالي حيـل أتعبنـي

وشـوقـي لك كان معذبنـي          أنا  بدونك ماعرفت الأمــان

 

كنت بس أدعي نرجع زي زمان         ونعيش  ذاك الحـب و الجنـان

بس اليـوم  استجـاب الرحمن         وأنا صرت لك مو لأي انسـان

 

وقالـي عـن اذنك  الحيــن         راح نكمـل كلامنـا  بعديـن

واتصـل فينـي بعد  ساعتيـن         و لا تنسـى يا أغلـى انسـان

 

و فجـأه صحيت من المنــام          وكان كل هذا في  الأحــلام

حسبي الله  على  هالأوهــام          حتى بالحلم  حبه وَهَم كــان